[Uberps гоо сайхны эмнэлэг] Зүсэлттэй давхраа хийлгэвэл хиймэл харагддаг уу?

#ЗүсэлттэйДавхраа #НүднийДавтанХагалгаа #ЗайдасДавхраа #ХагасАутлайн #Аутлайн #НүднийБулчинЧангалах #ГаднаБуланСэтлэх #ДоодБуланСэтлэх #БуланСэтлэх #ParkSeonHee #Uberps #ShimJungHwan #SeoSeungJo #UberpsГооСайхныЭмнэлэг #КаннамНүднийМэсЗасал #КаннамНүднийДавтанХагалгаа #КаннамЗайдасДавхраа

Сайн байцгаана уу,

💛your beauty universe! Uberps гоо сайхны эмнэлэг байна :)💛

Өнөөдөр Park Seon-hee эмчийн маань бэлтгэсэн

зүсэлттэй давхрааны талаарх асуулт, хариултыг (Q&A) хүргэхээр ирлээ~!!

Зүсэлттэй давхраа нь арьсыг зүсэж хийдэг мэс засал юм.

Зөвхөн арьс гэлтгүй арьсан доорх булчин, өөхийг ч мөн авах боломжтой арга билээ.

Зовхины арьс зузаан, эсвэл унжсан хүмүүс зүсэлттэй давхрааны мэс засал хийлгэхэд тохиромжтой байдаг.

Зүсэлттэй давхраа хийлгэвэл хиймэл харагддаг уу?

Ихэнх хүмүүс зүсэлттэй давхраа хийлгэвэл хиймэл харагдана гэж боддог. Үүний шалтгаан нь үндсэн хоёр зүйлээс шалтгаалдаг бөгөөд

эхнийх нь ‘сорви’ юм.

Зүсэлттэй болон оёдолтой (зүсэлтгүй) давхрааны хамгийн том ялгаа нь сорви үлдэх эсэх байдаг.

Ялангуяа сорви илт мэдэгдэхүйц байвал хиймэл, мэс засал хийлгэсэн нь мэдэгддэг гэж хэлж болно.

Сорви өргөсөх, хонхойх, эсвэл цайрч өнгө нь өөрчлөгдсөн сорви зэрэг нь хиймэл сэтгэгдэл төрүүлдэг.

Хоёр дахь нь илүү чухал бөгөөд энэ нь давхрааны ‘гүн’ юм.

Хэт гүн давхраа нь хиймэл харагддаг.

‘Гүн’ гэдэг нь нүдээ нээхэд давхраа хэр зэрэг нугаларч орж байгааг хэлдэг бөгөөд

төрөлхийн мэт, зөөлөн харцтай давхраатай болохын тулд тохиромжтой хэмжээний 'гүн'-ийг хадгалах хэрэгтэй.

'Гүн' нь хэт гүехэн байвал давхрааны шугам суларч, нүд тод бус харагддаг.

Эсрэгээрээ хэт гүн давхраа нь сормуус дээшээ эргэсэн, эсвэл ширүүн, хиймэл харагддаг.

Оёдолтой аргаар мэс засал хийх үед энэхүү ‘гүн’-д нэг их санаа зовох шаардлагагүй байдаг ч,

зүсэлттэй давхрааны мэс заслын хувьд давхрааг бэхлэх аргаас хамааран гүн нь тодорхойлогддог тул мэс заслын үр дүнд нөлөөлдөг.

Ялангуяа давхрааны гүн нь мэс заслын дараа шууд тодорхойлогддоггүй бөгөөд эдгэрэх явцад аажмаар бүрэлдэн тогтдог.

Мөн ижил аргаар мэс засал хийсэн ч тухайн хүний нүдний хэлбэрээс хамааран давхрааны гүн өөр өөр гарч болно.

Тийм ч учраас зүсэлттэй давхрааны мэс засал нь оёдолтой аргаас илүү хэцүү байдаг.

Зүсэлттэй аргаар мэс засал хийлгэсэн гээд заавал хиймэл харагдаж, том сорви үлдэнэ гэсэн үг биш юм.

Арвин туршлагатай, чадварлаг эмчээр мэс засал хийлгэвэл,

зүсэлттэй аргаар хийлгэсэн ч хангалттай төрөлхийн мэт, зөөлөн нүдний хэлбэртэй болох боломжтой.

Зүсэлттэй давхраа сулардаггүй юу?

Бүх давхрааны мэс засал сулрах магадлалтай байдаг. Сулрахгүй хүмүүс илүү олон байдаг ч сулрах тохиолдол ч бас гардаг.

Зүсэлттэй аргаар мэс засал хийлгэсэн ч давхраа сулрах тохиолдол бий.

Гэхдээ оёдолтой аргыг бодвол зүсэлттэй мэс заслын дараа эд эсийн наалдац илүү их үүсдэг тул

сулрах эсвэл бүдгэрэх магадлалыг илүү бууруулж чадна гэж хэлж болно.

Давхраа суларсан үед, үүний шалтгааныг зүсэлттэй аргаар хийлгээгүйгээс болсон... гэж үзвэл энэ нь 100% үнэн биш юм.

Зүсэлттэй аргаар мэс засал хийлгэсэн хүмүүс дунд ч давхраа нь сулардаг хүн байдаг бөгөөд,

оёдолтой аргаар хийлгээд 20 гаруй жил хэвээрээ хадгалагддаг хүмүүс ч олон байдаг.

Тиймээс ямар нэгэн давхраа давтамжтайгаар сулраад байвал

түүний шалтгааныг олж, шийдвэрлэх чиглэлээр зөвлөгөө авбал тустай байх болно.

Зайдас шиг (бүдүүн) давхраа үүсгэхгүй байхын тулд яах ёстой вэ?

Зайдас шиг давхраа гэдэг нь давхрааны доод хэсгийн зовхи зузаан харагдахыг хэлэх бөгөөд энэ нь давхрааны шугам хэт өргөн байснаас үүсдэг.

Шугамыг намсгах давтан мэс заслаар үүнийг шийдвэрлэх боломжтой.

Мэс заслын загвар гаргахдаа өөрийнх нь зовхины арьс нимгэн хэсэгт давхрааг үүсгэх хэрэгтэй бөгөөд,

хэт шунаж өндөр шугам гаргавал эцсийн дүндээ зайдас шиг давхраатай болдог.

Зүсэлттэй давхраа хийлгэсэн хүмүүсийг харахад, зарим нь бараг сорвигүй байхад зарим нь маш их сорвитой байдаг.

Энэ нь зөвхөн тухайн хүний төрөлхийн арьсны онцлогоос шалтгаалдаг зүйл биш юм.

Сорви илт мэдэгдэхүйц үлддэг шалтгаан гэж бий.

Нэгдүгээрт, зузаан арьсыг бодвол нимгэн арьсанд сорви бага харагддаг.

Өөрөөр хэлбэл, давхрааны шугам өргөн байх тусам сорви илүү их үлддэг.

Мөн булчин эсвэл өөхийг хэт их авбал хонхойсон сорви үүсдэг.

Эцсийн дүндээ, зүсэлттэй мэс засал бүр их сорви үлдээдэг гэсэн үг биш бөгөөд сорвийг багасгах чиглэлээр хийх боломжтой гэсэн үг юм.

Зүсэлттэй давхраа хийлгэвэл хаван удаан буудаг уу?

Энэ нь тодорхой хэмжээнд үнэн. Учир нь оёдолтой давхрааг бодвол мэс заслын хугацаа урт бөгөөд,

зовхины арьсанд хамаагүй илүү ажиллагаа ордог учраас тэр юм.

Юуны өмнө оёдолтой арга нь авах оёдолгүй байдаг бол зүсэлттэй аргад авах оёдол байдаг.

Гэхдээ оёдолтой аргаар хийлгэсэн ч том давхрааны хаван удаан буудаг бол, зүсэлттэй аргаар хийлгэсэн ч жижиг давхрааны хаван хурдан буудаг.

Эцсийн дүндээ хаван буух нь зөвхөн мэс заслын аргаас шалтгаалдаггүй гэсэн үг юм.

Би нас ахиад тэр үү, сүүлийн үед цаг хугацаа үнэхээр хурдан өнгөрч байгаа мэт санагддаг.

Та бүхэн ч бас мэс засал хийлгэсний дараа цаг хугацаа урсан өнгөрсөөр байх болно.

Мэс заслын дараах нэг, хоёр дахь долоо хоногт зүсэлттэй болон оёдолтой аргаар хийлгэсэн хүмүүсийн хавангийн ялгаа их байх ч,

нэгээс хоёр сарын дараа гэхэд тэр хоёр хүний хавангийн ялгаа тийм ч их биш байх болно.

Зүсэлттэй давхрааны давтан мэс засал хийхэд хэцүү байдаг шалтгаан нь юу вэ?

Давхрааны давтан мэс засал хийлгэхээр төлөвлөж байгаа үед, мэс заслын үр дүн сайн байхын тулд таны зовхины арьс,

өөх зэрэг эд эс хангалттай үлдсэн байх шаардлагатай.

Материал хангалттай байж л түүгээрээ сорвийг сайжруулж,

хиймэл харагдаж байгаа хэсгийг төрөлхийн мэт болгон өөрчлөх боломжтой байдаг.

Гэтэл зүсэлттэй аргаар мэс засал хийлгэсэн тохиолдолд заримдаа арьсны илүүдэл бараг байхгүй эсвэл өөх дутагдсан байдалтай байдаг.

Тийм үед үлдсэн материалыг дээд зэргээр ашиглаж сайн үр дүн гаргах ёстой болдог тул,

аргагүй хэцүү бөгөөд эрсдэлтэй байж таарна.

Зүсэлттэй аргаар мэс засал хийлгэсэн гээд давтан мэс засал бүр хэцүү байдаггүй бөгөөд арьс, өөхний илүүдэл байхгүй үед л хэцүү байдаг.

Өнөөдөр зүсэлттэй давхрааны талаар ярилцлаа ㅎㅎ

Дараагийн удаа илүү сонирхолтой мэдээлэлтэйгээр уулзацгаая😍

♥Хурдан зөвлөгөө авахыг хүсвэл?

Uberps гоо сайхны эмнэлэг Сөүл хот, Каннам-гү, Каннам-дэру 364, Миван барилга, 5 давхар

https://www.youtube.com/watch?v=SoSLRYjDHKk